جلسة مع الأجواد شعر شعبي ليبي
الشاعر : غير معروف
جلسه مع لجواد فى سهرايه........ هي منية الخاطر أحدود الغايا
جلسة ليلــــــــــــــــــــــــــه ........تعيد ما مضى عدة أسنين طويله
في جوها يشكى الخليل خليله ........ بنفس صافيه تلمع أتقول أمرايا
وفيهم اللي يحكى ونا نصغيله ........ويرتاح وين ما يجبد أمعاى حكايه
وفيهم اللى يدوى بما طاريله ........ بطيب نفس ما يجحد أسرار خفايا
وفيهم اللى يلقى الحديث وسيله ........ عنها أيفرج فى أهموم قضايا
وكل جيل ما تكمل محاكى جيله........ تنهض وديما للحديث بقايا
وترتاح الخواطر من أحمول ثقيله ........ راحة اللى لحمولها واطايا
متفاهمين نقضوا فى أوقات جميلة ........ ولا لغيرنا نجبد حديث وشايه
وحب وطنا مــــــاأهناك شى مثيله ........ له نرفعوا أبعزة أعلام الريا
لو نموت ما نالف أوطــــان بديله ........ محفور فى القلوب غلاه من مولايا
جلسه مع أهل الهمــــــــــــــــه........فيها الوجوه الطيبه ملتمه
ناس لكلامــــــى صاغيه مهتمه ........ وكل حد يدلى فى الحديث برايا
نهار نلتقى يصبح نهــار مسمه ........ صحبه ووفاء وطيبة وصدق نوايا
ولا حد منـــــــا بعيب يفتح فمه ........ ولانا لخطية غيرنا عرايا
نجيب البعيد نقربه ونلمـــــــــه ........ ومتمنى ضنا لجواد دوم أمعايا
وهااللى لنا حاسد يموت بسمه ........مانبادلوا سية خطى بخطايا
أحنى صبرنا صبرالجبال الصمه ........ أحنى فى الشموخ لروسنا علايا
جلسه مع لجواد فى سهرايه....... هى منية الخاطر أحدود الغايه
صح لسانك قصيدة في غاية الروعه ..
ردحذفيعطيك الصحه