آخر قرار صدرته

اخر قرار صدرته ,, ينساك عقلي يا عزيز جبرته ,, بناء علي مافات ,, علي حب كاين في صميمك مات ,, وعلي عقل تما ممتلي سيات ,, وعلي قلب حبك حب ما قدرته ,, وعلي عمر كملته معاك اشتات ,, وعلي عهد سيبته وما عبرته ,, خليتهن لنظار بكايات ,, جسر المحبه بينا دمرته ,, حبك ابقي ممنوع منعآ بات ,, قرار معتمد فالصادرات نشرته ,, وماعاد نذكر الذكريات ,, وصوبك دفنته دفن في مقبرته ,, منك خذيت الدرس فالجيات ,, ومسامحك القلب في درتها.

ايش رايكم نحكيلكم سهراية

ايش رايكم نحكيلكم سهرايه ..... سهرايه جذار وقهر وتبهديل
واصحاب العقول يفسروا معنايا ..... واللي هضا عنده للعلل تحليل
حكيت للبحر والصقر ها الحكايه ..... ويشهد علي ما قلت نجم اسهيل
لحباب لربعه دايرين فى سوايا ..... جفو الحبيب وخونته الخليـــــــــــــل
وصاحب المصالح هو اسباب الشقايا ..... وشقيق الشقا منه نظرت الويل
وبأسباب لربعه تما الهم معايا ..... متطاول ومتواصل نهار ولــــــــــــــيل
أولهم اللي جافي و رد أكفايه ..... انسيني بعد غيـــــــري القي البديـــل
نحسابه إلا وافي مثيل اوفايا ..... ثاريت الوفاء هالوقت شي قليـــــــــــل
والثاني خليلي باعني لعدايا ..... والحق ياخذه واحد وهو الكفــــــــــــــيل
اصور اني مخدوع دون درايا ..... عميل مزدوج شينك الله عميــــــــــــل
والثالث اللي صاحب وعنده غايه ..... اللي بصحبته يقبل عليك جميــــل
وصاحب المصالح راه م البدايه ..... مشواره معاك يكون موش طويـــل
والرابع اللي مكتوب من مولايا ..... قضى وقدر نرضابه وحمل انشيــل
شمت الناس وفيه خاب رجايا ..... عديم فكر مايقدع انسان هبيــــــــل
نحمد المولى مو عليه عبايا ..... ولا هو خصيمي لا علي وكيـــــــــــــل
ولانى حقود ولا علي جنايا ..... مغير بخت شين البخت وين يميــــــــــل
مليان غيض وعيوني دموع ملايا ..... بسبله بلا سبله معاك نسيـــــــل
جذار شين غيب فرحتي وزهايا ..... ولبنادم ان غاب زهاه عاش ذليــل
بغيوم قهر غلق ما يبان سمايا ..... ولا برق طمني وراه نزيـــــــــــــــل
هذا حالهن لنظار دوم كبايا ..... والنوم تم عندي شبه مستـــــحيـــــــــل

مش كل حد يا صاحبي تشكيله و المشكى لغير الله راه هبال

مش ﻛﻞ ﺣﺪ ﻳﺎ ﺻﺎﺣﺒﻲ ﺗﺸﻜﻴﻠﻪ ،،، ﻭ
ﺍﻟﻤﺸﻜﺎ ﻟﻐﻴﺮ ﺍﻟﻠﻪ ﺭﺍه ﺍﻫﺒﺎﻝ ،،، ﺭﺑﻚ
ﺍﻟﻌﺎﻟﻲ ﻫﻮ ﺃﻟﻠﻲ ﺗﺪﻋﻴﻠﻪ ،،، ﺍﻳﻔﻚ ﺿﻴﻘﻚ
ﻭﻗت ﺍﻳﻀﻴﻖ ﺍﻟﺒﺎﻝ ،،، ﻭ ﺍﻟﻨﺎﺱ ﺷﺎﻳﻠﻪ ﻣﺎ
ﻣﻦ ﺍﻫﻤﻮﻡ ﺛﻘﻴﻠﻪ ،،، ﻓﻴﻪ ﺃﻟﻠﻲ ﻳﻀﻌﻒ ﻭ
ﻓﻴﻪ ﺃﻟﻠﻲ ﺣﻤﺎﻝ ،،، ﻭ ﻻ ﺗﻘﻮﻝ ﺛﻘﻴﻞ ﻛﻴﻒ
ﺍﻧﺸﻴﻠﻪ ،،، ﻭ ﺭﺍﻙ ﺗﻘﻮﻝ ﺿﺎﻕ ﺑﻴﺎ ﺍﻟﺤﺎﻝ ،،،
ﺍﺩﻋﻲ ﺍﻟﻤﻮﻟﻰ ﻭ ﺻﻴﻤﻠﻪ ﻭ ﺻﻠﻴﻠﻪ ،،، ﺻﻼﺓ
ﺭﺍﻛﺤﻪ ﻣﺎ ﻫﻴﺶ ﺑﺴﺘﻌﺠﺎﻝ ،،، ﻭ ﺍﻟﺼﺒﺮ
ﺯﻳﻦ ﻣﺎ ﻫﻨﺎﻙ ﻣﺜﻴﻠﻪ ،،، ﻭﺍﻥ ﺍﻟﺸﺪﺍﻳﺪ
ﻳﻔﺮﻗﻮ ﻟﺮﺟﺎﻝ ،،، ﺗﻮﻛﻞ ﻋﻠﻲ ﺭﺑﻚ ﻛﻞ ﻫﻢ
ﺍﻳﺰﻳﻠﻪ ،،، ﺭﺍﻩ ﻛﻞ ﻋﻘﺪﻩ ﻋﻨﺪﻫﺎ ﺣﻼﻝ

يانا الليلة ,,, جانا خبر قديم دار اعويلة

يانا الليله .... جانا خبر قديم دار اعويله .... عليك كاينه ياناس
أخباره جني ** وقالو قديم بعيلته متهني ** عطيته غلا واجد وخيب ظني ** ساهر علي سبّاه مامن ليله ** وماغيبته نحمل دقيقه عني ** وان كان هو تأخر نا اللي نمشيله ** ارياف وحنين وشوق له جابنّي ** ولساعة الملاقا ما انغيب حيله ** ماكنت نحسب فالظهر يطعنّي ** بعد عهد واثق فالغلا عاطيله ** وقلة الخير لا نعرف ولا هي منّي ** بالخير والسعادة والهنا ندعيله

ياما درت - شعر شعبي ليبي

ﻟﻠﺸﺎﻋﺮ ﻋﻤﺮ ﺻﻘﺮ
*******
ﻳﺎﻣﺎ ﺩﺭﺕ **ﻭ ﺍﻟﻴﻮﻡ ﻓﻴﺎ ﻳﺎ ﻋﺰﻳﺰ ﻧﻜﺮﺕ ﺍﻳﺎﻡ ﺍﻟﺪﻻﻝ ﻣﻌﺎﻱ ﻳﺎﻣﺎ ﺩﺭﺕ ** ﻳﺎﻣﺎ ﺻﺎﺭ ﻭ ﻳﺎﻣﺎ
ﺣﻜﻴﻨﺎ ﻟﺒﻌﻀﻨﺎ ﻟﺴﺮﺍﺭ **ﻭ ﻋﺸﺮﺓ ﺳﻨﻴﻦ ﻃﻮﺍﺍﺍﺍﺍﻝ ﻣﻮﺵ ﻧﻬﺎﺭ ** ﺑﺪﻟﺘﻬﺎ ﺑﻔﺮﺍﻕ ﻣﻦ ﻋﺎﺷﺮﺕ
** ﻋﻤﺮﻙ ﻣﻌﺎﻳﺎ ﻗﺒﻞ ﻣﺎ ﺗﺤﺘﺎﺭ ** ﻭ ﺍﻟﻴﻮﻡ ﻣﺎ ﻧﻌﺮﻓﺶ ﻛﻴﻒ ﺍﺣﺘﺮﺕ ** ﻋﺎﺵ ﺍﻟﻐﻼ ﺑﻴﻨﺎﺗﻨﺎ
ﺑﺎﻗﺪﺍﺭ ** ﻭ ﻣﺎﺕ ﺍﻟﻐﻼ ﻋﻨﺪﻙ ﻭ ﻣﺎ ﺧﺒﺮﺕ ** ﻛﻤﻴﺖ ﺍﺳﺮﺍﺭ ﻭ ﺑﺤﺖ ﺑﻴﻪ ﺍﺟﻬﺎﺭ ** ﺁﻣﻨﺖ ﻭ
ﺍﻧﺖ ﺍﻟﺤﺐ ﺑﻴﻪ ﻛﻔﺮﺕ **ﻳﺎ ﻣﻴﻢ ﻋﻴﻨﻲ ﻳﺎ ﺯﻫﺎ ﻟﻨﻈﺎﺭ ** ﻣﺸﺘﺎﻗﻠﻚ ﻭ ﺍﻧﺖ ﻋﻠﻲ ﺻﺒﺮﺕ
**ﻋﺸﻘﺘﻚ ﺭﺷﻘﺘﻚ ﻭﺻﻒ ﻓﻲ ﻟﺸﻌﺎﺭ ** ﺑﻨﻴﺘﻚ ﺑﻴﻮﺕ ﻳﻤﻮﺕ ﻓﻴﻬﺎ ﺍﻟﻮﺭﺙ ** ﺗﺤﺪﻳﺖ ﺑﻴﻚ
ﺍﻟﻨﺎﺭ ﻭ ﺍﻟﺘﻴﺎﺭ ** ﻭ ﻋﺎﻧﺪﺕ ﻟﻜﻦ ﻓﻲ ﺍﻟﻜﺒﺎﺭ ﺧﺴﺮﺕ ** ﻳﺎﻣﺎ ﺩﺭﺕ ************ ﻳﺎﻡﺍ ﺭﻳﺖ
**ﻭ ﺍﻟﻴﻮﻡ ﻛﺬﺑﺔ ﻛﺎﻥ ﻗﻠﺖ ﻧﺴﻴﺖ ** ﺑﻴﻨﻲ ﻭ ﺑﻴﻨﻚ ﻗﺒﻞ ﻣﺎ ﺿﻨﻴﺖ ** ﺗﻘﺼﺮ ﻣﻌﺎﻱ ﻭ ﺩﺭﺗﻬﺎ
ﻭ ﻗﺼﺮﺕ ** ﺭﺿﻴﺖ ﺍﻟﺨﻄﺎ ﻓﻴﺎ ﻭ ﻣﺎ ﺩﺍﺭﻳﺖ ** ﻭ ﺗﻘﻮﻝ ﻻ ﻧﺼﺤﺘﻚ ﻗﺒﻞ ﻻ ﺩﺑﺮﺕ ** ﺑﻼ
ﺫﻧﺐ ﻋﺎﻟﺤﺐ ﺍﻟﻌﻔﻴﻒ ﺟﻨﻴﺖ **ﻛﻴﻒ ﻃﺎﻭﻋﻚ ﻗﻠﺒﻚ ﻭ ﻛﻴﻒ ﻗﺪﺭﺕ ** ﺑﻼ ﺷﻚ ﺑﻴﺎ ﻭﻳﻦ ﻣﺎ
ﻭﺍﻃﻴﺖ **ﻓﻲ ﻋﻴﻮﻥ ﻫﺎﻟﻲ ﺣﺎﺳﺪﻳﻦ ﻛﺒﺮﺕ ** ﻳﺎﻣﺎ ﻋﻠﻰ ﺣﻮﺷﻚ ﻣﺸﻴﺖ ﻭ ﺟﻴﺖ ** ﻭ
ﻗﺪﺍﺵ ﺧﻄﺮﺓ ﻣﺨﻄﺮﺓ ﺧﺎﻃﺮﺕ ** ﻭ ﻳﺎﻣﺎ ﻣﻌﺎﻳﺎ ﻳﺎ ﻋﺰﻳﺰ ﺯﻫﻴﺖ **ﻭ ﻳﺎﻣﺎ ﻣﻌﺎﻳﺎ ﻭ ﺷﻮﻕ ﻣﺎ
ﺑﺼﺮﺕ ** ﻳﺎﻣﺎ ﺩﺭﺕ ﻭ ﺍﻟﻴﻮﻡ ﻓﻴﺎ ﻳﺎ ﻋﺰﻳﺰ ﻧﻜﺮﺕ ﺍﻳﺎﻡ ﺍﻟﺪﻻﻝ ﻣﻌﺎﻱ ﻳﺎﻣﺎ ﺩﺭﺕ **

ناوي بقسم الله تفتح بيت - شعر شعبي

للو كـان ياصاحــب نويـــت النيه ,,, وناوى بقســـم الله تفتـــح بيـــت

اسمـــع كلامـى زين ميه ميه ,,, بحكم التجـــــارب فالزمــان خذيت

نا ننصحـك بالخيــر ) عالليبية ( ,,, اطلبها شريكة عمــــر لوحبيــــت

هيا الـغـلا والـحــــب والـحنيـة ,,, هيا الهنـــا لوقــدرهــا عديـــــــت

هيا الوفـاء تعــرف اصـــول الغيا ,,, هياالــــدواء كان جــــرحها داويـت

هيا الشمعـة فالحيـــاة مضوية ,,, هياالحيـــــاة كــــان ظرفها راعيت

هيا الكـرامه وعـالكـرم مـبـنيــه ,,, هيا الزهــا كان شـــــــورها عديت

هيا الحشم والعقل والشخصيه ,,, هيا جمــــال الروح طبــــع او صيت

لاهى )مسيحيـه( ولا )شيعيه( ,,, هى دين )سنه( وحـــق رب البيت

ماهى امتـاع افـلــوس لا مـاديه ,,, ترضى بعشاها انكان خبـــزه وزيت

لا تفوتهـا فالحســن ) لبنانيـه ( ,,, ولا كيفها فى )مصر( عمـرى ريت

وهى فارقه حتى مع ) السوريه ( ,,, والــراى رايك ونا الــراى عطيــت

هذا من ؟ شعر شعبي ليبي

هـذا مـن ؟ ؟ . . . اللـي قـلـت سـاقـيـنـي الـغـلا و الـحـِـــــن

يـاللــي تـريـد جـواب . . هـذا مـن ؟ . . . ؟

هـذا الـجـديـد الـــلافي . . . هـذا اللـي مـنـهـ
ل غـرامـه صــــــافي

وهـذا اللـي غـالـي وحـنـون اوافـي . . . ربـة أجـواد ومــا ايـخـيـب ضــــن

وهـذا اللـي اريـافـه هـلـب اريـافـي . . . وأشـواقـه أمـواج بـحـور مـا ايـكـفـن

وهـذا شـراعـي ومـركـبـي ومـجـدافـي . . . رفـيـق درب فـي وسـط الـكـنـيـن سـكـن

وهـذا غـلا واثـق ومـش هـفـهــافـي . . . عـقـيـده الـغـلا عـنـده ومـا هـو فـن

وهـذا عـسـل حّـنـون شـهـد وصـافـي . . . ربـيـعـه أزهــار الـعـمـر مـا ايـصـيـفـن

وكـان قـال يـفـعـل فـِعـل مـش خـرافـي . . . أيـوفـي أقـدار الـصـوب مـا ايـكـنـكـن

وع الـوعـد يـبـقـى ومـا ايـديـر إخـلافـي . . . ابـشـوفـه اجـروح الـقـلـب يــدّاوَن

جـايـد عـلـي بـاريـاف كـيـف اريـافـي . . . ونـيـران شــوقـه اتـزيـد مــا يـطـفـن

أمـــا الـقـديـم الـيـوم جـمـره طــافـي . . . طـون صـفـحـتـه الأيـام مـا أيــــردن

من حوالي ساعة

ﻣﻦ ﺣﻮﺍﻟﻲ ﺳﺎﻋﻪ
ﻧﻬﻴﺖ ﻗﺼﺘﻲ ﺃﻛﻴﺪ ﻣﻮﺵ ﺃﺷـﺎﻋﻪ
ﻟﻠﻌﻠﻢ ﺭﺍﻧﻲ ...ﻣﻦ ﺣﻮﺍﻟﻲ ﺳﺎﻋﻪ
ﺷﻄﺒﺖ ﺃﺭﻗﺎﻣﻪ
ﻭﻣﺤﻴﺖ ﻛـــــــﻞ ﺣﺎﺟﻪ ﺩﺍﻟﻪ ﻭﻋﻼﻣﻪ
ﻭﺗﺴﺠﻴﻼﺕ ﻛـــــﺎﻧﺖ ﻗﺎﻋﺪﻩ ﺑﻜﻼﻣﻪ
ﺩﻳﻠﻴﺖ ﺩﺭﺗﻠﻬــــــﻦ ﺃﺑﻜــــــــﻞ ﻗﻨﺎﻋﻪ
ﻭﺑﻌـﺾ ﺍﻟﺮﺳﺎﺋﻞ ﻓﻲ ﺃﺳﻨﻴﻦ ﻏﺮﺍﻣﻪ
ﺷﺎﻫــــﺪﺍﺕ ﻋﻦ ﻛﺬﺑﻪ ﻭﻋﻦ ﺧﺪﺍﻋـﻪ
ﺷـــــــﺮﻃﺘﻬﻦ ﻳـــــﺎ ﺻﺎﺣﺒﻲ ﻗﺪﺍﻣﻪ
ﺗﻤﻴﺖ ﻟـــــــــــﻮ ﺣﺎﺿﺮ ﺍﻟﻴﻮﻡ ﺃﻭﺩﺍﻋﻪ
ﻣﻦ ﺣﻮﺍﻟﻲ ﺳﺎﻋﻪ
ﻳﺎﺩﻭﺏ ﺗﻮﻩ ﻋﺪﺍ
ﻳﺒﻜﻲ ﻭﺩﻣﻌـــــﻪ ﻧﻴﻦ ﺟﺮﺡ ﺧﺪﻩ
ﺻﻐـــﻴﺮ ﻓﻲ ﻋﻴﻨﻲ ﺃﺑﻘﻲ ﻳﺠﺪﻩ
ﻧﺎﺩﻡ ﻋﻠﻲ ﻋﻤـﺮﻩ ﻭﻋـﻦ ﺿﻴﺎﻋﻪ
ﻗﺘﻠﻪ ﺍﻟﺨـــــــــــﺎ ﻳﻦ ﻓﺎﻟﻐﻼ ﻻﺑﺪﻩ
ﻧﻬـــــــﺎﻳﻪ ﺃﻟﻴﻤﻪ ﺷﻮﺭﻫﺎ ﻳﺪﺍﻋـﻪ

انحبك رسمي

أنحبك رسمي__وتميت كيف الدم داخل جسمى__مش غير شوق أوود_
أمعايا أحساس__امراود حنينى ما طلع مالراس__أنت الغلا و العمر و الاساس__ياريت قسمك ما يخالف قسمى__خايف بعد ترحل أنعيش الياس__ومن حرتي ننسى معالم أسمى__ونبكى فقدتك يا أعز الناس__
كيف ما بكى وغنى أحسين الجسمى

ياما علي من ليل

ياما علي من ليل عدى ساري .. وخلف خواطر في مدار أفكاري

ياما رحنا .. وياما أسهرنا الليل فيه ودحنا .. وياما و ياما من وجعنا نحنا .. ساهر الليل انقول فيه أشعاري .. ناظر أطل أبطيفها أتريحنا .. هلي غلاها في حديثي طاري .. جابد جميع أوصافها وفضحنا .. أمسمي عليه أسماه ريم براري .. هلي جفاها دارنا في محنا .. محنت عدوك صايرة وأجباري .. فاقد أعزومي بعدها وأصبحنا .. جثة أدوري في دفين أيواري

يما علي من ليل عدى ساري .. وخلف خواطر في مدار أفكاري

قدام العرب مبسوط

قدام العرب مبسوط زاهي حالي .. وني داخلي مهموم ضايق بالي

قدامهم ني باهي .. وفارد أبسامي أبضحكتي متباهي .. يالا العرب مبسوط جوي زاهي .. وني داخلي هالهم صدري مالي .. خايف شماته والشماته راهي .. صنعت أعدايا قبل ماهي تالي .. وأنا اللي عنهم أعليت أبجاهي .. شامخ الراس الفوق صرحي عالي

قدام العرب مبسوط زاهي حالي .. وني داخلي مهموم ضايق بالي

تقول احضرية و غيرت عاداتها ---- شعر شعبي عن تاريخ الليبيات -- الشعارة بدرية الأشهب

تقول أحضرية وغيرت .. عاداتها
فيا البداوة أصل .. ومفاعيل
أنا بنت هاذي الأرض من .. طياتها
أنا من مطرها وعشبها .. والسيل
أنا من دماً سالت على .. جالاتها
نايات تجري في عروق .. الجيل
أنا من بَحَرْها ومن شجر .. غاباتها
من كل واحة وارفة .. بنخيل
أنا من سواحلها وهوا .. جناناتها
أنا م الرتم والطلح .. والقصيل ...
أنا من قرى متوسدة .. طيباتها
ف ظل المحبة عاشقة .. لمقيل
أنا من صحاري غازلة .. ذراتها
ثياب لانبياء وساحة .. التنزيل
أنا من أجبال أحقافها .. ثكناتها
لنار المعارك شاعلة .. الفتيل
أنا من نفس أمي وصوت .. رحاتها
وبكيت هجاويها عقاب .. الليل
وغناوة (الجباد) في .. حوشاتها
اللي جابت مخاوير أسمرة .. و النيل
أنا من عباه رحلن .. سداياتها
وتبقى العبا رمز لتراث .. أصيل
أنا بنت هاللي في (العقيلة) .. امباتها
ورا من (شبردق) ناظرات .. الويل
بنت السمايا وفقد .. فزاعاتها
اللي يخلن براريم النعال .. دقيل
باستشهادها تشري سنين .. حياتها
عليهن حكي (بوحويش) .. بالتفصيل
أنا (مبروكة العلاقية) في .. صولاتها
فوق من اللي انشال الثقيل .. يشيل
أنا الفخر منقوش في .. ركاباتها
وين همزت طارت تقول .. هميل
أنا (مبروكة) أخت عيسى لابسة خلاطاتها
الوكواك .. فزعتها نهار .. الشيل
قدام قاضي ايطاليا .. وقفاتها
تاريخ لصبايا مالهنش .. مثيل
و(فاطمة عثمان) من .. نظراتها
تنبت قصايد رافضة .. التنكيل
ونا (مريم الحجلا) ف عقلها .. وثباتها
وين ردت على (البنكة) وهالت .. هيل
و(خديجة الجهمي) في المسا حكاياتها
يسرن كما سروة نسيم .. عليل
عيشة المزوغية .. وحزن .. مرثياتها
اشعار فوق من خد المسا .. أتسيل
وين ما حكت عن فقد .. وداداتها
تاريت قزون الكبيرهبيل
أنا الأم هاللي فاردة .. جناحاتها
علي عشها يوم فقد .. بوكمبيل
الصيت والعَصَر والصبر هن غاياتها
جبينها يستاهل .. التقبيل
انأ الليالي لو بخت .. نجماتها
يضون الليبيات كيف .. سهيل
أنا كتب للتاريخ في .. صفحاتها
نساء لابسات عقود .. وأكاليل
أنا كتب للتاريخ من .. صفحاتها
يطل الضياء واطيور .. أبابيل
أنا ليبيا أنا عزها .. وراياتها
مزروع في دمي صهيل .. الخيل
لا تقول أحضرية وغيرت .. عاداتها
فيا البداوة أصل .. ومفاعيل

شعر :بدرية الأشهب --- تحكي فيه عن تاريخ الليبيات جيابات التريس

نبرم وراك الكون - شعر شعبي ليبي

زنقه زنقه .. واللـــــــــــــــــــــــــــــــــــــــي ياخذك نحكم عليه بشنقه .. نبرم وراك الكون

بيت بيت .. نقعد نفتش كـــــــــــل شارع جيت .. والخاطم نساله نقوله ما ريت ؟ .. عزيزاً سكن في الجـــــــوف سبب حرقه .. واللي نساك انديرله (UPDATE ).. بالك يفرق بين غربه وشرقه

دار دار .. تبرم وراك العين ليل نهار ..وفي كل جيهة انديرها استعمار ..نبداها من درنه ونهلب
برقه .. حتى لو عليا يذنن الافجار .نجيبك لقلبي ( اطير تنزل ترقى ) .

شبر شبر .. لو شاب راسي وبانن امواير كبر .. صابر وما عندي حدود لصبر .. حتى لو حرقت الوطن ورقه ورقه .. حتى ان متت وانحفرلي قبر .. نشق قبري نطلع انجيكم سرقه

فرد فرد ... كلامك دفى في عز عز البرد ... تقول م الدفى لابس زبون وجرد ... منين يا عزيز كيفا كلامك نلقى ... وكيف يا عزيز تسرد ف شعرك سرد . تطفي لهيب نار في القلب منطلقا ...

زنقه زنقه .. واللي ياخذك نحكم عليه بشنقه .. نبرم وراك الكون — 

على سبا مكحل الهدوب

علي سبا امكحل لهدوب .. اتصير احروب .. شنيعه وناتجها محسوب

علي سباك ايصير اقتال .. اسنين اطوال .. انجاهد فيهن نا فالحال .. وداير في بالي احتمال .. اني مغلوب .. انروح مهزوم ومرعوب .. الا لكن هدا موحال .. ايصير هروب .. الشامخ مالدعكه مسحوب .. انقود اجيوشي ارتال ارتال .. انخش احروب .. انروح فايز مو مغلوب .. غنايم نغنمهن بكيال .. اكياس اذهوب .. علي سبا الغالي فالصوب .. اتصير احروب .. شنيعه وناتجها محسوب .

 

 

 

 

مشتاق للعيشة في البر - شعر شعبي ليبي

 

 

مشتاق للعيشة في البر....والسكنة في بيت شعر....مشتاق لنجع وجيران ....وجلاق معيز مع ضان....وكانون فوقه سخان....والسهرة في ضي قمر....مشتاق لخبزة تنور ...مشتاق لشبعة مخضور وقدامي جادور اغر....مشتاق لخبزة حماس....وقلية وقيز وترفاس.....ومخلاتي ومنجل و مداس....ونراجي في شبوب مطر
منقول

فرس و ما تبي حراس - شعر عن الفرس

 

فرس و ماتبي حراس .. قوية باس .. اربايت فارس من لاساس

فترويض فرس موعرها .. ماتقدرها .. كم واحد قبلك عافرها .. ضاق أجرع مر عصرها .. ابقي منهاس .. ايهاتي يلعب بيه الياس .. وكانا جي اقرب موكرها .. اتعد رصاص .. اتحط ايديها ع الترباس .. أتفرغ
طل...قه ايبان شررها .. اتجي فالراس .. امدربها واحد تراس .. وزايد مولانا امصورها ..أبعين الماس .. جمال وعفه دون الناس .. وبالحنه غطت محورها .. ورق لماس .. اتقابل رسمتها بسياس .. و غطا ع الضبنون شعرها .. طاح اكداس .. امعرم جي نازل م الراس .. وشامخ مرزي ابزين نضرها .. وعقلا حاس .. محاضر فاتحنهن وسواس .. امسطر فيهن ماتقدرها .. ليها باس .. فطينه وانت شيخ الياس

يا دكتورة و هو دواه ما يظهر لكم في صورة

يادكتورة وهو داه مايظهر لكم فى صورة عليش ترسمى فى القلب
صعيب دواه .. مو كل من عاين ايصادف داه
طبيبه عزيز اوخان فى مبداه .. وهو اللى سبب فى علته وسمورة
باسموم الخطا داوا جروح غلاه ..ان مايقتله يرث عدم صيوره
هياله ايريح خاطرى قساه .. صرف له د...

واء فاقد امعاه اشعوره
مركب غريب وهو عليل سقاه .. خليط من عناصر ضاره محظوره
عليك مكاده .. امداوه مابه من افراق ارياده
اسباب غلا غالى احجر ميعاده .. وانزال فكرنا رايح هتايا شوره
الغالى اللى قاتل سواد هماده .. هو اللى رزاه وهو بروفيسوره
عليل شوق مايبريه طب عياده .. ميخوذ من فصيح الحبر فوق اسطوره
غلاه الكاين صعيب داه .. مو ساهل على من عاين
افعاله عزيز امعاه عهده خاين .. ابرد الكفا ماكان فى مقدوره
عليه وين مابرين اجروحه حاين .. تفاكير جدن من اجرارا اخطوره
خله ادماهن كيف نهر الراين .. وديان يفلتن صبن اصداف حدوره
وامغير مالغلا والبعد ماهولاين .. مامن دفاين غبر فى مدموره
غريق جال صاحب عزم فى الكواين .. مكاده على من راد صبره غوره
يوم فيه لجل ايكون عنده حاين .. وينزل ملك لرواح تفضى دوره
مامن اسرار وموجعه وغباين.. يرقد بهن فى قبر بين اقبوره..
يادكتورة وهو داه مايظهر لكم فى صورة عليش ترسمى فى القلب يادكتورة .

مشاهدة المزيد

ايش فيها كان تلاقينا في يوم العيد

إيش فيها كـان تلاقينا *** فى يوم العيد وسلمنا
وكان هناك زعل وارينا *** وفى شان الود تحملنا
مايحلــى عيــــدى الابيك
وما عندى حاجه خاطيك
وماغيرك والـــى يشغلنا *** وماغيرك والى يشغلنا
...

كيف العيد وغايــب روحى *** زعـــــلان ومالعين امباعد
كيف نذبح فالصبح بروحى *** وقت الحوسه ماهو قاعد
كيف نرضـــى مــــايكـــون معايا
وكيف نيتى اتجينى فى شوايا
وكيف ايغيب ومايكلمنا *** وكيف ايغيب وما ايكلمنا

ايش فيها كان تعــاتبنــا *** وتنشد عنى وننشد عنك
ايش فيها كان تحاسبنا*** بلكـى العيبه منـى او منك
ربى دار العيد سماحـــه
وخلى كل الناس فراحه
فكر ياغالى وجاملنا *** فكر ياغالى وجاملنا

&& ايش قيها كان تلاقينا ... فى يوم العيد وسلمنا &&

قلم /// نعيم الزوى

بنغير اسماي مراد علم دار

 

يام العيون اكبار بنغيير اسماي مراد علم دار بيش نشغلك
يام الغثيث امضلم جاهز على شانك انصير امعلم
ومهما يصير معاي ما بنسلم لوكان يظهرولي اسكندرين اكبار
ولو يقطعوني اطروف مانتكلم ولا انبوح بسر من الاسرار
يام الحزام مواتي بنغير أسماي اليا عذرني...

باتي
حتى رفيقي أبدي اسماه ميماتي أندير مافيه افشانك أنتش النار
مانحضرش فيها وادي الذئاب ولاجتني عليها
لكن أمناي أمهبلتني بيها وكل يوم تحكيلي بهللي صار
والسي مراد هذاك حاس عليها صوراه جابتهن فوسط
الدار ونحس في روحي بنمشي فيها ونفكرنمثل
جزء مع الاشرار....يام العيون اكبار

 

ياما رينا و ياما من معارف واجدة حقينا

ياما رينا..
وياما من معارف واجده حقّينا..
ع الفيس ياما وياما رينا..

فيهم الزّين..
... وفيهم اللّي مجهول أصله امنين..
...

وفيهم اللي كذّاب بو وجهين..
وفيهم اللي داير معاي الشينه..
وفيهم اللي من ناس معروفين..
وفيهم اللي ب الروح شارك فينا..
وفيهم اللي اعرفناه هاذا وين..
بعد ما كان أقرب صداقه لينا..
وفيهم اللي في الأصل مجهولين..
وفيهم اللي يفخر اليوم علينا..
وفيهم اللي لهم تاريخ مشهورين..
وفيهم اللي أرقامهم اليوم خذينا..
وفيهم اللي اف عقله اليوم رزين..
وفيهم اللي اف عقله خفيف هوينه..
وفيهم اللي اف قلبه اليوم حزين..
وفيهم اللي اف قلبه سعيد حنينه..
وفيهم اللي من ناس ناس اخرين..
وفيهم اللي حتّى اليوم إنسينا..
وفيهم اللي طلب الصداقه الحين..
وفيهم اللي في الصوب توّا جينا..
وعلي قول فيهم كان هاذا لين..
ياما وياما من أبيات إتجينا..

ياما رينا..
وياما من معارف واجده حقّينا..
ع الفيس ياما وياما رينا.