موش شوية - شعر عن معاناة الوطن من الإغتيالات

موش شوية كل يوم جثة ع الوطا مرمية - شعر في صورة - شعر ليبي حزين

يانا الليلة ,,, جانا خبر قديم دار اعويلة

يانا الليله .... جانا خبر قديم دار اعويله .... عليك كاينه ياناس
أخباره جني ** وقالو قديم بعيلته متهني ** عطيته غلا واجد وخيب ظني ** ساهر علي سبّاه مامن ليله ** وماغيبته نحمل دقيقه عني ** وان كان هو تأخر نا اللي نمشيله ** ارياف وحنين وشوق له جابنّي ** ولساعة الملاقا ما انغيب حيله ** ماكنت نحسب فالظهر يطعنّي ** بعد عهد واثق فالغلا عاطيله ** وقلة الخير لا نعرف ولا هي منّي ** بالخير والسعادة والهنا ندعيله

سهران مش مهموم لكن حاير

سـهـران مـش مـهـموم لــكن حــايـر **** انـخـمــم عاللي فى حـيـاتـي صـايــر ..
سـ...

ــــاهـــر لـــيــلـــي **** وفــيــه نـــاس يـــامـــا كــيــف مــا طـاريـــلـــي
مــرة انــقـول اعـجــزت تـــاه سـبيلـي **** ومـرات نــزهــها انــحــس روحـي طـايــــر
ومــرات نــفـقـد حـجـتي ودلـــيلـي **** ومـــرات نــــمــــلك مــعــرفـــة ودبــــايـــــر
فــــارح انـهــلل تـسمـعــه تـهـليلي **** ومـــرات نـــا والـــفـــرح كـــيـف ضــرايـــــر
لايــــزورنــي فى يــــوم لا يــمــشيلي **** مـــعــزول كــي مـــذنــب ودار كــبــايــــر
ومــرات فى اول صـف خـابـر جيـلـي **** ومــرات عـكـس الــــريـح نـــبــدا ســـايـــر
ومــرات نــشـعر مــا هــنـاك مـثـيلي **** انـخـش الـفـيافـي انـجـيبـهـم الـبشايــــر
ومـــرات صـاحـب طارب ويـحـكيـلي **** انـجـامـل ونــضحـك , فـيه غــير انــسايــــر
ومـــرات غـاضـب جـاينـي يـشكـــيلي **** انـواسـي فى قـهـره ونــا مـعـبى قـهـايـر
وانـجـيــبلـه الامــثـال ومــواويــلي **** نــبـرد اعــصابــه فــوقــت دمــي فـــايـــر

وين الزمان يهدك حتى قريب الدم يصبح ضدك - شعر شعبي حزين

وين الزمان ايميل يرميك تشبح من وراه الويل - وين الزمان يهدك حتى قريب الدم يصبح ضدك - والناس تنسى هيبتك وتصدك وتحبس الدمعة وتغلبك وتسيل - والغدر واعر يقهرك ويهدك وتلقى المحبة كلها تمثيل - حتى رفيقك يتركك ويهونك وتقعد بروحك فى الهموم اتشيل - وبالدمع ديمة باكيات عيونك تقول آه قداش الزمان عليل

تسأل على عنواني

إضافة تسمية توضيحية

تـــــــــسأل عــــــلي عــــــــنوانــــــي ..... الهم والشقا و الحزن هم جيرانــــــي
خوذ أكتبه
في مـــنطقه معــــــــــــــــروفــــــه .......... بالياس راهي أفوصفها موصوفــــــه
الشارع الأول سيبه ما أتشوفــــــه .......... اللي ساكنه مالغدر ديما أيعانــــــي
أو ثاني شوارعها أسماه حسوفــــــه .......... سكانه حـــــــياره همهم بكانــــــي
...

و الشارع الثالث ننصحك ما أتشوفــــــه .......... زادن أجروحي فيه قبل نهانــــــي
و الشارع الرابع كل حد و أظروفــــــه .......... من هـــــم ناسا كربتي نسانــــــي
أوفالخامس أتلاقي دمعتي مرصوفــــــه .......... و الجرس تلقا أمسجله وحدانــــــي

الجيران كـيفي أدموعهم مذروفــــــه .......... شارع عليه الياس تما جانــــــي

نسيتك رسمي خليك كيفي شيل رقمي و اسمي

نسيتك رسمي ..خليك كيفي ..شيل رقمي واسمي بلا مواخده راني انسيتك رسمي ..مسحت حروفك..ورقمك حذفتا مانريد انشوفك..وماانريد نسمع غيبتك وظروفك..ولانريد تبقي من نصيبي وقسمي..عرفناك خاين كاشفين كلوفك ..الله يسامحك ماعاد تذكر اسمي

كيف اللي قاعد من غادي كيف اللي قاعد من دون

كيف اللى قاعد من غادى كيف اللى قاعد من دون -كيف اللى جاهل مايقرا كيف اللى عنده دبلوم - كيف اللى عاقر مايضنا كيف اللى عنده واشون - كيف اللى فقرى ماعنده كيف اللى عنده مليون - فى اخرها قبر مظلم حتى زول اعزيز يهون
 

صغيرة لكن ريت عذاب - شعر شعبي

 

صغيره لكن ريت عذاب وراسي شاب نزل دمع عيوني سكاب ، صغيره لكن ريت الهم وحرق الدم الحسره في قلبي كاتم عشقت الغالي ليش ظلم؟ ودار سراب غلانا عدا غير عذاب ، صغيره لكن ضقت اللوعه وقل الروعه الحسره في قلبي مزروعه ، صغيره لكن ريت احزان وقل احسان وهم يبكي كل انسان صغيره لكن ريت امرار ودمي فار ودمعي ايسكب ليل نهار وحتي هدب عيوني ذاب !!!! صغيره لكن ريت عذاب