كلمات قصيدة من أنتم - كلمات شعر ليبي

كلمات قصيدة من انتـــــــــم

ماتعرف نحنا من نحن
أسباب شقاك
أنت وعيالك يا هرواك
هضولا ضنا عيسى الوكواك
تريس يظهر في وقت المحنة
نحنا هم همك نحنا إللي نشٌفنا دمك
نحنا أسباب كداك وغمك
ما تعرف نحنا من نحنا؟
أسباب إهمومك نحنا إللي طيٌرنا نومك
نحنا كسٌاريين خشومك
ما تعرف نحنا من نحنا؟
نحن فرسان أسباب هلاكك يا جبان
تريس عتل مانا جرذان وياويلك كان اتواجهنا
نحنا هل برقة نحن إللي درنالك حرقة
في جوفك تحدر ما ترقا ليين إتعدي و إتريحنا
نحنا مصراتة خشمك ياتافه وطاته
إحنا ككلة وأحنا الزناتة
ماتعرف نحنا من نحنا؟
نحن نالوت مع الزوايـــة نسقيك الموت
هضوم أسيادك ياسلفوت
ما تعرف نحنا من نحنا؟
نحن الرجبان رجال فراسيين وشجعان
أنموتوا في وسط الميدان ولاشكلك يرجع يحكمنا
نحن فزان إللي إمحاصرها يا جبان
اللي فيها زارع خيٌان وبالفتنة تبي إتفرقنا
الليبيين إللي في طرابلس منحازين
إلي إمحاصرها يالاعين
وبالقوة تبي تحكمنا
نحن إللي ثرنا من البيضاء والمرج ودرنة

وبنغازي لييين تحررنا
وماتعرف نحنا من نحنا؟
نحن من طبرق من القبة وشحات والابرق
و جيشك من شيح وشبرك يالي في العالم فاضحنا
سبايب عارك نقصف لببين أندمر دارك
ليين تهرب ونشيل إصغارك
من ظلمك بيش إتريحنا
و ماتعرف نحنا من نحنا؟