لا داوو لا متشي لا مكسيما - شعر لحسن المقرحي

لا داوو للشاعر حسن المقرحي
هذه الابيات مع قصتها الواقعية للشاعر حسن المقرحي


فقد قال الشاعر ان هذه القصة حدثت مع صديق له حيث تعرف على فتاة عبر الهاتف
وفي القصيدة كل القصة :-

اولا قال للبنت انه سوف يأتي لكي يتعرف عليها فقالت مانوع سيارتك هل هي
داوو او متشي او مكسيما فقام بإجابتها في هذا الابيات :-
لا داوو لا متشي ولا مكسيما المقسوم دتسون ياعيون الريما
لا الداوو نحلم بيها ولا المتسوبيشي قبل راكب فيها ولا مكسيما عندي نطوق بيها
حد كسبتي ياريد دتسون خيما
عزيزة علي ونا عزيز عليها سيارة جديدة تعجبك ياريما
شرطان كاظم والمسجل فيها نوع قاريونس والايدين سقيما
وهابا منين البوب يولع فيها ماعاد في السبيكره تلقي ولابريما
لا داوو لامتشي ولا مكسيما المقسوم دتسون ياعيون الريما

وتوا بدا يوصفلها في روحا

ماني متع اسطايل انا انسان راقد ريح بختي مايل
ولا جي اسمي سمير لاني وائل زيدان ياخزرة عيون الريما
علي انشدي قداش ريت علايل وقداش ناظر من سنين عديما
مشاهد الماضي قاعدات دلايل معاهن يريح العقل في تخميما
وماتسمعي للحسد قولت قايل ولا في حياتي درت يوم جريما
لا داوو لامتشي ولامكسيما المقسوم دتسون ياعيون الريما

بعد ماسمعت كل هذا الكلام كانت بسكر السماعة فقال :-

ماتسكري السماعة الله والنبي خلك معايا ساعة
بنحكيلك علي ماضي ومر اوجاعة الخاطر وحاييتي جروح قديمه
كانك انسانة تفهمي بقناعة كل ماجرالي م العذاب وضيما
ومركب حياتي محطمين شراعه وسط البحر والموجعة وظليما
مكان لا محامي فيه لا فزاعه الياس والخطا والموجعة وظليما
مركب حياتي محطمين شراعا وسط البحر والموج والتظليما
مكان لا محامي فيه لا فزاعه الياس والخطا والموجعة وظليما
وفي يديك يابنيه دوا لاوجاعه وانت انسانه طيبة وفهيمة
لا داوو لا متشي ولا مكسيما المقسوم دتسون ياعيون الريما

بعد ماحقت السيارة وحقت الدخاخين اللي منها ودارلها فضيحه حدا البنات قالت :-

ليش هالفضيحه خليتني بين البنات جريحه
اسمع كلامي وخود هالنصيحة هاذي ماي سيارة حشاك بهيمه
لا لون لا صنعة ولا مريحه سيارتك شينه قليلة قيمة
خود كلامي وبيع هالقبيحة اللي كيفها رابش من سنين قديمة
لا داوو لا متشي ولا مكسيما المقسوم دتسون ياعيون الريما

قال ورد عليها :-

مابت علي تهون خصوصا بعد يركبلها قيطون ويجنها كواشف تحت م العيون
وتكييل علي القطران ديما ديما وماطور فيها بقوته مضمون وليش يابنيه عيب قوت قديمة
وحالي بلاها صعب كيف يكون لو بعتها تبدا علي جريمه

ردرت عليه وقالت :-

بيعها بخساره وخلك م الحساد والنقاره وخوفي تبقالك الا عزاره
وتعيش نادم من افعالك ديما حتى بيعها يبي شوي شطاره منلي بياخذها عليك ظليمه
تهرب اللي شراي والسمساره مانظن بيعتها تكون سقيما
لا داوو لا متشي ولا مكسيما المقسوم دتسون ياعيون الريما

طبعا التراس كذب عليها وقال ان هو باع السياره لكن فيه حد قاللها ان هو كذاب السيارة موجودة ويبيع عليها في الدجاج قالت :-

ماني اللي محتاجك الله يسامحك عدي وبيع دجاجك
الباين مزاجي كان عكس مزاجك واللي كذب مره يكرر ديما
بحر حبنا هايج بعنف امواجك وانت الخطا منك يكون ظليمه
لا داوو لا متشي ولا مكسيما المقسوم دتسون ياعيون الريما

رد قال :-

لو ماني محتاج لا ندير دتسون ولا نبيع دجاج والبخت عندي كل يوم عجاج
وكانك خطيتي في راي ظليمه وانفزع علي شانك ضنى بالحاج
بالشعر وتكوني اسباب جريمه يجنك قصايدهم افواج افواج ولا عاد يبقالك قدر لاقيمه
لا داوو لا متشي ولا مكسيما المقسوم دتسون ياعيون الريما
يم الميامي هلع دلالك عليا فات حد الدلع هذي ماي عكاري ولاهي قلع
سياره جديدة باهيا وسقيمه ومادام عنك في عذابي ضلع خطيتي ولازم تعلني الهزيمه
ليش الخطا وانت خوالك صلع وادوري في الصفت والمكسيما
لاداوو لا متشي ولا مكسيما المقسوم دتسون ياعيون الريما
لا مكسيما لا صفت مشاكل الدنيا والزمان عرفت
ومامن مظاهر كذب ناس كشفت بلا مال ماتلقى قدر لاقيمه
ومهما دموعك ع الوساد درفت مايحس بيك والي انكان تنصب خيما
كاره حياتي والمعيشه عفت ومن كاسها ضايق مرار هزيمه
لا دوو لا متشي ولا مكسيما المقسوم دتسون ياعيون الريما
مامن عيبه ومامن ظروفا واعره وصعيبه ولا في قلوب الناس تلقى طيبه
وفوق من سما الانظار صارت غيمه لا اصحاب تلقى لا حداك حبيبه
تبقى رفيق الياس ديما ديما وصارت عقول الناس فيها ريبه الطيبه تلاشت والاخلاق عديمه
لا داوو لا متشي ولا مكسيما المقسوم دتسون ياعيون الريما

رهين عيونك يقيتي كما ليلى و أنا مجنونك : للشاعر حسن المقرحي

رهين عيونك شعر شعبي ليبي

الشاعر : حسن المقرحي


رهين عيونك بقيتي كما ليلى ونا مجنونك مازلت ياريدي
بقيتي ليلى ونا قيس مجنونك سنين طويلة
خدودك نقية والعيون كحيلة والجمة اسفت فوق من جبنونك
علي مانحلل مالقيت وسيلة مازلت ياريدي رهين عيونك
جمالك طبيعي مالقيت مثيلة غويت فيك ياسمحة سحرني لونك
رهين عيونك بقيتي كما ليلى ونا مجنونك مازلت ياريدي
رهين هواك يافايزة ع الجيل حلو سماك
منهو اللي زييك ومن يسواك وانت جميلة كملك مضمونك
ولو تطلبي روحي الروح فداك وفي وسط قلبي والعيون نصونك
ولو نموت مانرضى انهون غلاك لو جميع ها الدنيا تصبي دونك
رهين عيونك بقيتي كما ليلى ونا مجنونك مازلت ياريدي
مازلت هايم بيك ومازلت ننشد كل يوم عليك
ومازلت وافي عاشقه ماضيك يلي سحرتيني بسحر عيونك
جميع الوصايف والمزايا فيك لو نموت مانرضى في يوم نهونك
ومازال خاطري هايم وعاشق فيك اللي قبل ماخنتيه لا بخونك
رهين عيونك بقيتي كما ليلى ونا مجنونك مازلت ياريدي

يا أنظاري كفن - شعر شعبي ليبي للشاعر خسن المقرحي

يا أنظاري كفن شعر رائع للمبدع حسن المقرحي

يا انظاري كفن نار شوقه طفن .. كل ماجرى مقدر صار
نسيكن نسنا ماتسالن عنا .. ماو عاد للنا ماتفيد اعذار
اللي قبل ياما نفرحوا بملاما .. ونديروا علامة وقت لانتظار
ساعة لقانا بالعزيز منانا .. اللي بشوق جانا جيته بانوار
شبكنا ايدينا في الحديث بدينا .. وعود وعطينا ماتهون اقدار
وعشنا طرابا واللذيذ شرابا .. لكن اصحابه غيروا الافكار
منها تغير في الاثنين مخير .. وتما مسير من عدو نقار
ناسي كلاما ما يريد ملاما .. ساحب سلاما ماعليه اغبار
وعودا نسيها اللي فيها .. ومنها وبيها يطربن الانظار
واليوم هاهن والعزيز جفاهن .. وقلة نجاهن كل مايذكار
عزيز ونكرهن والزمان قهرهن .. ولا من عذرهن فيه باللي صار
مر وسقاهن بالجفا كافاهن .. وم الوقت قبله ضايقات امرار
جروحه بداها سايله بدماها .. وكبدي شواها فوق جمرة نار
وطابت سحنها ماو سايل عنها .. والعظم راح م السطير اكسار
غير مانشاكي بيه لاني باكي .. لنفسي نحاكي بيه باستمرار
وكل مانراجع ينقضن المواجع .. ويجني فواجع مغير ياستار
بروحي نقضي بالدموع نفضي .. وهكي نمضي فيه ليل نهار
والعقل راجا وبالروح قاجا .. وما نال حاجة مغير زاد اكدار
ومن قبل ضايق وما عاد طايق .. جرحه مسمر بيه سابع جار
وياما تغرب في الحيا ومجرب .. ومنها ادرب منكوي بالنار
ووقته تكرب مانهار يطرب .. والياس خرب كل مايندار
بجية خبرها وقولت اعذرها .. بوها جبرها ع الكريهه اجبار
ومن لحظة رحيله خمسطاشر ليلة .. والدمع من عيني تقول امطار
حازن بدمعي وشبحي وسمعي .. وكل عضو فجسمي بكى وانهار
من عيب هلها ضايقة حنظلها ..وللي جهلها ياخذوه انذار
وقالو انساها ماتجيب سماها .. ولا عاد تجبد للغلا تذكار
هدت وشدت للرحيل ومدت .. موكب ترك سبها مع الافجار
ومن دار سيه مانكافي زيه .. حتى ونا في موجعة واقهار
وافي انصافي مانكافي جافي .. وديما على عيب الحياه صبار
وهاني وراضي حاضري والماضي .. حتى وهو بالعيب ياما دار
وياما قهرني وع المرار جبرني .. وما من عزيز وصوب راح دمار
ولا من نشدهم في سريب جبدهم .. وهاهم بعدهم خاليات اديار
ولا عاد بانوا ولا علينا هانوا .. اللي قبل كانوا زايدين اصرار
من ليهم اشتقنا وبعدهم ماطقنا .. ولا عاد راقن بعدهم الانظار
ولا عاد بين من عليه احنين .. اللي ماو هين جفوته تذكار
من وصفه الديين رطبوله لسيين .. عدوان بانوا في قناع اخيار
نبي كيف ننسى منو كاين ونسه .. وغالي على الخاطر وع الانظار
وننسى سريبه مانبيه يجيبه الخاطر .. ويجبد صورته وتذكار
نبيه مايعده صوب ناير خده .. اللي اليوم جا دونه وعر واوعار
والانظار صافن والمعيشه عافن .. وقالن بلاها مازهى يندار
زهاهن معاها قربها ورضاها .. والعيشه بلاها قطمره واقهار
وجالن وجنها وين مالقينها .. واجد بكنها بالدموع انظار
وبيين زعلهن وين وجهتلهن .. سؤاالي على غالي عليهن جار
قاسن الغربة في جفاه وقربه .. ومن وقت ضربة غدر باستمرار
وين ما انضرت بالخطا وانجرت .. وضاقت اللوان الموجعة وامرار
صدفه لقيته بو عيون فليته .. جاني وجيته بشوق نين انهار
سالن دموعه يشهدن باللوعه .. اللي قاسها من قبل ياما دار
بكيت وقالت مانست لا غالت .. بدموع سالت بينت ماصار
وقالت اعذرني ع الفراق جبرني .. اللي قبل في عيبه علينا جار