ايطول السهر عاتب عليا ليلي --- شعر شعبي ليبي

ابطول السهر عاتب عليا ليلي**بقولت بعيد انساه جاء يحكيلي
.....................................................................
قيســــــــــــــــــــــــــه فاضي**بقولت انساه وجنبه فالماضي
يحساب بكلامه لي نبقى راضي**يانويرتي ماقــــاس موطاريلي
هـــذا وين ياليلـي ايزيد غياضي**خطرت من حــير غلاه دليلي
........
صــــــــــــــــــــــــــب اعتابه**بقولت انساه وســـد كل ابوابه
غالي عليك بعــــيد ماتشقابه**عيش واقعك مستوه ماترعيلي
قتله خــــطاني شي ماتدرابه**ان قتلك الـــروح معاه ماتفتيلي
نظيف العضا صابغ سواد هدابه**انكاني انسيته قول يوم رحيلي
...
عـــــــــــــــــــــــــــــليا لايم** بقولت انسى خزرة اعيون الحايم
انكان تنتصح مالك ومال جحايم**غالي بعـــــيد عليك يالضليلي
مسكين مو عارف امغير نسايم**ان جن من غوالينا ايزيد هليلي
انقول مرحبا ياانسام ملي هايم**بيهم غــــــوالينا بخير اطريلي
...فارس في خلا لوهام...