قول ليبيا وافخر وشوف ضناها علي قلب واحد شايلين عناها
قول ليبيا بحمــــــــــــــــــاس ........... وبهت غلاها في اوجوه النـــــــاس
ولاتقولها للي عديم احساس ...... .....اللي ما يهمه كي تسيل ادمــــــاها
واحنا ناس فيهم عقل كيف الماس........ي
جرب اللي غابي عليه ذكاهــــــا
واحنا نعرفوا اللقاق والهــــــــاس.......اللي باعها في وقت فيه اشراهــا
واحنا نعرفوا السراق والكــــولاس ...... اللي بمالنا مامن قصور بنــــــاها
واحنا نعرفوا اللي مص دم الناس ........ نين قصرت في جيب
حق عشاها
جاه يوم تحت اقدامهم ينــــــــــداس ...... ويرجع اللي من غير حق خذاهـا
واحنا ناس معروفة بقوة بـــــــــاس ...... النار كيف تكبر مانهاب صناهـــا
واحنا ضنانا ما مسكهم ســــــــــاس ...... نهار الكتيبة هدموا مبنـــــــــاها
واحنا ضنانا صامدين اكـــــــــــــداس ..... في كل جبهة رافعين ثنـــــــــاها
واحنا الغرب ثاروا كي الشرق انهاس ..... مودة ووحدة صف من مبداهـــا
واحنا شعب واحد والجذور اســـــــاس .... واللي نوا تقسيم نال شقاهــــــا
واحنا شعب صابر صبر ياما قـــــــــاس .... وياما نظرنا في سنين جفاهـــا
وفاحت الحرية بطيب انفــــــــــــــــــاس .... شمينا عبير وطعمها ضقناهــا
ماعاد نرجع للقيود خــــــــــــــــــــلاص .... ولاعاد نخافوا غير من مولاها
ليست هناك تعليقات:
إرسال تعليق
نرحب بتعليقاتكم على منشوراتنا و تذكروا قول الله تعالى و ما يلفظ من قول إلا لديه رقيب عتيد