السبت، 17 أغسطس 2013

البدوي : مرحبتين أهلا يا بنية يا دلوعة يا حضرية

قول الشاب البدوي
مرحبتين اهلا يا بنية يا دلوعه يا حضرية جيتك من قرية بدويه ناوي نتم معاك الدين..
ناوي ندير معاك ملاقه نبيع شويهاتي والناقة وتبقي لي ريد ونفاقه وتشيلي هم الولدين ..
وتشيلي عورة مينتنا وتبقي مخاضة شكوتنا و اديري حسبت جيرتنا من التنور بقنانين ..
من التنور بأيديك تحطي حرة تبقي ما تبطئ على المعزة بسطيل توطي حلابة تبقي في الحين..
تملي سطيلك وبراوا وتبقي مخاضة بسطاوا وبجردك بيدك مطاوح جيابه للموجودين ..
جيابه شاهي وقليه في لمة ميعاد عشية وانت في لبسة عربية ما اسمح توقاتك على العين ..
مسمح وين تجي برداك تجري ما من عين وراك لا لبس الموضة يفداك عليه مانا من المعتادين..
رد البنت الحضرية ..
يالافي من القرية غادي ..رايك ما يعجبني من البادي لانك قيس ولا حمادي ياعايش من القرن اثنين..
ياعايش في القرن الغابر عندي حق عليك نكابر كان انت معتاد وصابر انا ماني من المجبورين..
لاني معتادة تنور ولا ديك يصيح في فجور عيشة يابوصاحب زور نعيش انا وانت وين ..
نعيش مع وضعك ما اظن صحراء لا نقال يرن لا مشروب نصيت لبن بشكوة تبي هالزيدين..
الشكوة تبي بو جهد وحلبة معزة ماله حد لا للظهرية نرقد لا مع العيلة من السهرانيين..
مع العيلة من السهرانيين مع العيلة ضحك وفرفيش لا تبستي والكورنيش شباب حداي طراطيش اكثرهم من المعجبين..
هذه جملة عاداتي هذا هو وضعي وحياتي نحنا فرفاشة يوماتي وانتم من المدفونين..
رد الشاب
عرفنا عارف اولها مانك كي رضايت اهلها انا غلطان ونستاهلها ثوب لبسته ما هو لي..
مالك لي غير خطيت باهي اللي عنك رديت باهي اللي لمداعك وعيت وخطيت تباعد قسمي ..
الحاصل ماهي من عادتنا على الدار يشيخن نسوتنا لا هن طياعة كلمتنا في فعل سماح وفي الدي..

*********************************************
ملاقة = لقاء .... شويهاتي = الشاه او الغنم ...... ريد ونفاقة = زوجة,,,,,,
منينتا = عائلتنا .... مخاضة شكوتنا = مخض الحليب والشكوة هي التي يمخض بها العرب الحليب واللبن.
التنور = هو الفرن البدوي الذي يحضر فيه الخبز وهو من الفخار..
المعزة = معروفة وهي العنز ..... سطيل = تصغير للسطل ويحلب فيه الحليب ..
توطي حلابة = توطي يعني تنحني وحلابة يعني تحلب المعزة....
سطيلك = السطل.... براوا = شاطرة شطورة..... بسطاوة = بحرفية ( محترفة)....
بجردك = رداء طويل يلفه الرجل حوله منه الصيفي ومنه الشتوي ابيض اللون ....
جيابه = مضيافة ..... برداك = رداء خاص بالنساء ترتديه ....
قليه = اللوز والفول السوداني يتم تحميصهم ويقدموا مع الشاي ( عادة ليبية )....
توقاتك = طلتك ...
يالافي = يا قادم او جاي ..... غادي = من هناك تقال للمكان البعيد ....
فجور = جمع فجر ..... حلبة = حلب المعزة.....
تبستي = فندق فخم في مدينة بنغازي...... حداي = جنبي ......عيشة = حياة ....
يشيخن او يشوخن = يصيروا شيوخ ....طياعة = طائعات ...... سماح = عمل سمح وجيد يفتخر به...
والدي = العمل الشين


منقووووووول للأمانة

اليوم صاحبي عنك حكا بكاني --- محمد السيليني

اليوم صاحبي عنك حكى بكـّاني
عرفتك مشارك في غرامي ثاني

خذتني الحيرة.. بين صاحبي وبينك.. وبين الغيرة
ياريت باسمك
ما جبد ليّ سيرة
ومخدوع في حبك أنا
خلّاني

حكالي ياما.. كيف في غرامك .. زاهيات أيامه ...
في كل كلمة
تبان ليا علامة
معاك عشتها وأنت .. حنون ترعاني

صاحبي وأنت.. وحبك اللي بكل.. العواطف صنته
مع حيرتي مع
غيرتي نعيش لمتى
نطوي الحكاية في دموع أحزاني

كلمات أغنية حكى بكاني- رائعة الفنان: محمد السيليني

تقول احضرية و غيرت عاداتها ---- شعر شعبي عن تاريخ الليبيات -- الشعارة بدرية الأشهب

تقول أحضرية وغيرت .. عاداتها
فيا البداوة أصل .. ومفاعيل
أنا بنت هاذي الأرض من .. طياتها
أنا من مطرها وعشبها .. والسيل
أنا من دماً سالت على .. جالاتها
نايات تجري في عروق .. الجيل
أنا من بَحَرْها ومن شجر .. غاباتها
من كل واحة وارفة .. بنخيل
أنا من سواحلها وهوا .. جناناتها
أنا م الرتم والطلح .. والقصيل ...
أنا من قرى متوسدة .. طيباتها
ف ظل المحبة عاشقة .. لمقيل
أنا من صحاري غازلة .. ذراتها
ثياب لانبياء وساحة .. التنزيل
أنا من أجبال أحقافها .. ثكناتها
لنار المعارك شاعلة .. الفتيل
أنا من نفس أمي وصوت .. رحاتها
وبكيت هجاويها عقاب .. الليل
وغناوة (الجباد) في .. حوشاتها
اللي جابت مخاوير أسمرة .. و النيل
أنا من عباه رحلن .. سداياتها
وتبقى العبا رمز لتراث .. أصيل
أنا بنت هاللي في (العقيلة) .. امباتها
ورا من (شبردق) ناظرات .. الويل
بنت السمايا وفقد .. فزاعاتها
اللي يخلن براريم النعال .. دقيل
باستشهادها تشري سنين .. حياتها
عليهن حكي (بوحويش) .. بالتفصيل
أنا (مبروكة العلاقية) في .. صولاتها
فوق من اللي انشال الثقيل .. يشيل
أنا الفخر منقوش في .. ركاباتها
وين همزت طارت تقول .. هميل
أنا (مبروكة) أخت عيسى لابسة خلاطاتها
الوكواك .. فزعتها نهار .. الشيل
قدام قاضي ايطاليا .. وقفاتها
تاريخ لصبايا مالهنش .. مثيل
و(فاطمة عثمان) من .. نظراتها
تنبت قصايد رافضة .. التنكيل
ونا (مريم الحجلا) ف عقلها .. وثباتها
وين ردت على (البنكة) وهالت .. هيل
و(خديجة الجهمي) في المسا حكاياتها
يسرن كما سروة نسيم .. عليل
عيشة المزوغية .. وحزن .. مرثياتها
اشعار فوق من خد المسا .. أتسيل
وين ما حكت عن فقد .. وداداتها
تاريت قزون الكبيرهبيل
أنا الأم هاللي فاردة .. جناحاتها
علي عشها يوم فقد .. بوكمبيل
الصيت والعَصَر والصبر هن غاياتها
جبينها يستاهل .. التقبيل
انأ الليالي لو بخت .. نجماتها
يضون الليبيات كيف .. سهيل
أنا كتب للتاريخ في .. صفحاتها
نساء لابسات عقود .. وأكاليل
أنا كتب للتاريخ من .. صفحاتها
يطل الضياء واطيور .. أبابيل
أنا ليبيا أنا عزها .. وراياتها
مزروع في دمي صهيل .. الخيل
لا تقول أحضرية وغيرت .. عاداتها
فيا البداوة أصل .. ومفاعيل

شعر :بدرية الأشهب --- تحكي فيه عن تاريخ الليبيات جيابات التريس

جديد تردد القنوات الليبية على القمر الصناعي نايل سات 14 قناة ( إجدابيا - برقة - حكاوي - تاج أورا - الطبية - سما - الميعاد و غيرها )


بسم الله الرحمن الرحيم 
جيد القنوات الليبية على قمر النايل سات :

1- قناة إجدابيا  :

10727
 
أفقي H
 
30000
 
 




 
 

2- قناة ليبيا حكاوي :

 

11680

h افقي

27500

 

 

3- قناة برقة الفضائية :

10727
 
أفقي H
 
30000

 

 

4- قناة تاج أورا :

11680
 
أفقي H
 
27500
 
 

5- قناة ليبيا الطبية :

 
ليبيا الطبيه
12303
افقى H
27500
 
 
 

6- قناة ليبيا سما :

 
11393
عمودى V
27500
 
 

7-  قناة الهداية :

12380
افقى V
 
27500
 
 

8- قناة ليبيا التجارية :

 
12398
عمودى V
27500
 
 

9- قناة ليبيا الميعاد :

12034
افقى H
27500
 
 
 

10 - قناة ليبيا خطوة :

 
12034
افقى H
27500
 
 
 

11- قناة النبأ الإخبارية :

10727
افقى H
30000
 
 

 

12 - قناة ليبيا شوب :

 
10930
افقى H
27500
 
 

13- قناة ليبيا الشبابية :

 
12380
افقى H
27500
 
 
 

14- قناة ليبيا شتاوي :

 
11258
افقى H
27500